ابوالوقت غوثِ زماں غوثِ اعظم
ابوالوقت غوثِ زماں غوثِ اعظم
ترا فیض ہے بے کراں غوثِ اعظم
جو دیکھوں ترا آستاں غوثِ اعظم
بھلا دوں میں سارا جہاں غوثِ اعظم
ترا در ہے وہ در کہ جس در پہ جاکر
جھکاتے ہیں سر قدسیاں غوثِ اعظم
ترا وصف جو کر سکے بے محابا
کہاں سے وہ لاؤں زباں غوثِ اعظم
مرا طرز ہے قادری سہروردی
اور چشتی نظامی زباں غوثِ اعظم
یہ سب پیر و مرشد کا ہے فیض ورنہ
کہاں بوسعیدؔ اور کہاں غوثِ اعظم
تبصرے
تبصرے جائزے کے بعد شائع کیے جاتے ہیں۔ براہِ کرم احترام اور موضوع کا خیال رکھیے۔